Opnunartími 07:45-17:00 mán - fim
07:45-16:00 fös

565-1090

? Spurt & svarað

Smurning

Smurning

Einfaldasta og hagkvæmasta leiðin til að viðhalda vélinni og hámarka endingu hennar er með því að endurnýja smurolíu og smursíu reglulega þar sem olía missir eiginleika sína við notkun. Einnig er afar mikilvægt að sú olía sem notuð er uppfylli staðla framleiðanda bifreiðarinnar, sé því ekki sinnt getur það leitt til alvarlegrar bilunar. BJB - Mótorstilling kappkostar að bjóða gæða olíu á sanngjörnu verði sem uppfyllir kröfur bílaframleiðenda. Auk endurnýjunar á smurolíu og smursíu skiptum við um loft-, eldsneytis- og frjókornasíu ef þess er þörf. Einnig inniheldur smurþjónusta m.a. athugun á ástandi annarra vökva, s.s. olíu á drifi, gírkassa eða sjálfskiptingu, auk mælingar á rakamagni í bremsuvökva og ástandsmælingar á rafgeymi. Því má segja að um nokkurskonar léttskoðun sé að ræða. Einnig býður BJB - Mótorstilling upp á gott úrval bætiefna fyrir bifreiðina frá þekktum framleiðendum eins og Prolong og Ceramizer.

Olíuskipti á sjálfskiptingum vilja oft gleymast sem leitt getur til kostnaðarsamra viðgerða. BJB - Mótorstilling hefur yfir að ráða nýjum tækjabúnaði til hreinsunar og skiptum á vökvum á sjálfskiptingum. Einnig er hægt að skipta um síu samhliða aðgerðinni sé þess þörf. Með þessu má koma í vega fyrir kostnaðarsamar viðgerðir.

Verktími á hvern bíl er að meðaltali tæplega klukkustund.

 

Veldu gæðaþjónustu BJB - Mótorstillingar. Hjá okkur færðu eingöngu viðurkenndar vörur með 2ja ára ábyrgð.

Renndu við hjá okkur í Flatahraun 7 í Hafnarfirði eða hafðu samband í síma 565-1090.

Tímapantanir eru óþarfar fyrir almenna smurþjónustu.