Sparaðu plássið í geymslunni og geymdu dekkin hjá okkur. Við bjóðum viðskiptavinum okkar að geyma dekk og felgur á dekkjahótelinu okkar gegn sanngjörnu gjaldi.
Skilmálar um dekkjageymslu:
BJB-motors býður viðskiptavinum sínum upp á geymslu dekkja. Geymslugjald er greitt fyrirfram og gildir fram að næstu reglulegu árstíðaskiptum (hámark hálft ár), nema um annað sé sérstaklega samið.
Viðskiptavinur ber ábyrgð á að sækja dekk sín innan hæfilegs tíma að loknum samningstíma. Óski viðskiptavinur eftir áframhaldandi geymslu ber honum að láta starfsmenn BJB-motors vita áður en geymslutímabili lýkur.
Dekk sem ekki hafa verið sótt eða greitt hefur verið fyrir áframhaldandi geymslu á innan 12 mánaða frá síðustu þjónustu eða lokum síðasta geymslutímabils teljast ósótt. Í slíkum tilvikum er Pústþjónustu BJB ehf. heimilt, án frekari fyrirvara, að ráðstafa dekkjunum, þar á meðal að selja þau upp í áfallinn kostnað eða farga þeim.
Pústþjónusta BJB ehf. leitast við að tryggja örugga og viðeigandi geymslu dekkja og felgna eftir því sem við á en ber ekki ábyrgð á tjóni sem kann að verða vegna óviðráðanlegra atvika, svo sem eldsvoða, náttúruhamfara eða annarra atvika sem teljast ófyrirséð (e. force majeure).
Afhending dekkja á dekkjahótel staðfestir að viðskiptavinur hefur kynnt sér og samþykkt framangreinda skilmála.